TANDEM-en historia

“Elkartrukearen bidezko hizkuntzaren ikastea”-ren jatorriaren bila hasten bagara, maiz elkar ezagutzen ez duten aitzindari berriak aurkituko ditugu urtetik urtera. Honek ezin gaitu harritu, zeren eta prozesu hau alde batetik, oraindik nolabait airean dagoen ideia bat da eta beste alde atzerrian, bikoteen elkartrukearen bidezko ikasbide bat bezala erabiltzen da berez eta horrez gainera, hizkuntza askotarako egokia da.

Hizkuntza ikasketarantz ez bideratutako bikoteen arteko ikasprozesoa (peerteaching), tutore sistemak eta elkartrukearen bidezko bikoteen ikasprozesoa alde batetara utziz, bederatzi etapa bereiz ditzakegu:

 

Adibidez, Joseph Lancasterrek eta Andrew Bellek, XIX. mendearen hasieran Erresuma Batuan “Mutual System” izeneko metodoa zabaldu zuten, hau da, irakasleen iharduera nolabait ikasleen elkarrenganako laguntzarekin ordezkatzea. Peter Petersonek (1884-1952) antzekoa den metodoa “Jenaplanschulen”-etan garatu zuen. 1960. urtetik aurrera, tutore sistemak Estatu Batuetan ere zabaldu ziren.

[Hasiera]

Hizkuntza berdineko bikote bat adierazteko ” Tandem” hitza, nik dakidanez, 1971. urtean agertu zen lehenengo aldiz Wambachen ikus-entzunezko metodoekin harremanean. Handik 1968. urtetik franko-aleman gazte topaketetan antolatutako kurtso binazionaletara zabaldu zen. Testuinguru honetan, Bazin, Göbel, Robert Jean, Leupold, Gaston Schott, Raasch, Scherfer, Wamback, Wessling, Zindler eta Zamzow izenak eta ondorengo erakundeak aipa daitezke bereiziki: “Deutsch-Französisches Jugendwerk” (franko-aleman gaztedi erakundea), “Arbeitsgruppe Angewandte Linguistik Französisch” (Frantsesezko Hizkuntzalaritza Aplikaturako Lantaldea), “Bureau International de Liaison et Documentation” (Elkarlanera eta Dokumentaziorako Nazioarteko Bulegoa) eta “Sprachinstitut Tübingen” (Tübingengo hizkuntza institutoa)

 

Franko-aleman ekimen ugariek eraginduta, Klaus Liebe-Harkortek eta Nükhet Cimillik aleman-turkiar inguruan etorkinekin egindako lanera zabaldu zuten modeloa, “Anatolischen Solidaritätsverein” (Anatoliako Solidaritate Elkartea) elkartearen eta Municheko herri-unibertsitatearen esparruan. Honen ondoren kurtsoak antolatu ziren Bremenen (Liebe-Harkort , Schminck-Gustavus, besteen artean). Frankfurteko turkiar herri-etxean (Faust, Schneider-Gürkan) antolatutako kurtso bat eta Werner Suterren bi pertsonentzako “Alfasut” hizkuntza laborategi patentatua Zurichen ere ildo honetatik doaz.

 

Lan guzti hautetatik, Madrilen, 1979. urtean Liebe-Harkorten artikulu bat baino ez zen ezagutzen eta honek eraginda garatu nuen Tandem-Ikasbikoteen-Bitartekaritza, hasiera batean gaztelera eta alemaniera hizkuntzentzat. Hemendik sortu zen, 1982. urtean, Marisa Delgado, Bernhard Leute eta Gracia Martín Torresekin elkarlanean kurtso programa bat. Kurtso honen organizazioa aintzinako “Centro Cultural Hispano-Alemán TANDEM” kooperatibaren gain zegoen, gaurko "Escuela Internacional TANDEM Madrid" bihurtu dena. Bitartekaritza TANDEM-Sarearen oinarria bihurtu zen beranduago.

[Hasiera]

80ko hamarkadaren hasieran ekintzak franko-aleman esparruan ere jarraitu zuten: Didaktiko-metodologiko oinarrizko lan multzo baten ondoren urtero 6-8 Tandem-kurtso intentsiboak antolatzen ziren, beren edukina, nolabait, hizkuntza profesionalarekin zer ikusia zutelarik. Hizkuntza profesionalaren garapena eta sendotzea batipat DFJWk bultzatu zuen ( adibidez, Mainz, Dijon eta baita Friburgoko Unibertsitateek: Hizkuntza profesionala zuzenbideko ikasleentzat; “Maison de la Promotion Sociale” (Kudeaketa Sozialerako Etxea)eta “Sprachinstitut Tübingen” (Tubingengo hizkuntza institutoa): Hostalaritza eta Tabernaritza ; “AFRAT” eta “SIT”-ek: Nekazaritzako hizkuntza profesionala; “Deutsch-Französische Postpartnerschaft” (franko-aleman posta senidetza): Posta eta telekomunikabideko hizkuntza profesionala.

 

1983. urtetik aurrera eta argitarapen, bidai, eta prestakuntza ekintzen bizien ondorioz, ideia azkar zabaldu zen batezere hizkuntza eskola “alternatibo” txikiak eraikiz. Bitartekaritzarako materiala ia europako hizkuntza guztietara zabaldu zen. Tandem sareak Alemanian, Costa Rican, Erresuma Batuan, Espanian, Eslovenian, Frantzian, Hungarian, Italian, Irlandan, Kanadan, Perun, Polonian, Txekiar Errepublikan eta Txilen kideak ziren eskolak eta Austrian, Portugalen eta Suitzan Tandem-ekin lotura bat zuten unibertsitateak zituen. Egitura honek kurtsoak atzerrian, gazteen elkartrukeak, jirak, eta iharduera kulturalak, klaseen arteko postatrukea eta antzeko beste mugaz haraindiko ekintzak erraztu zituen.

 

1992. urtean, Helmut Brammertsek, Bochumeko Ruhr unibertsitatean “RIBO” izenarekin sortutako“International (E-Mail) Tandem Network”-arekin (Nazioarteko (E-Mail) Tandem Sarea) ere lan egiten zuen. Horrez gainera gero eta erakunde publiko gehiago, unibertsitateak, herri-unibertsitateak, Goethe Institutoa baita lehen mailako irakaskuntzarako eskolek ere hasi ziren metodoa erabiltzen

[Hasiera]

Kooperazio zientifikoa eta formakuntza iraunkorra sakontzeko asmoz, tandem metodoa onura duten entitate gehiengoak Tandem Fundazioa sortu zuten. Egoitza nagusia Donostian finkatuz, 1994ko urtarrilaren 1ean hasi zuen bere iharduera. Fundazio honek, aurretik Michael Friedrich, ‘Centro Cultural Hispano-Alemán Tandem' madrildar kooperatiba eta Jürgen Wolff-en eskuetan zegoen Tandem® ikurraren eskubideak bere gain hartu zituen, eta Tandem® erabili nahi dutenen pertsona eta erakundeentzat bitartekari bihurtu zen. Horrez gainera noizean behin ospatzen diren Nazioarteko Tandem Ihardunaldien antolatzaileei aholku ematen die.

 

Urtebete baino gehiago luzatu ziren eztabaiden ondorioz, 2003. urtean “Tandem-Eraikina” “Bi zutabe-teilatu bat” egituran bilakatu zen. Tandem Fundazioaren administrazioa hizkuntza eskoletatik, unibertsitate, errefuxiatu zentru eta onura publikorako beste erakundeetara aldatu zen. Erakunde hauek ez dute Tandem-a hizkuntza kurtsotarako publizitatean erabiltzen. Fundazioa, Tandem-metodoan espezializatu zen eta Tandem-materiala eta ikurra erabiltzeko lizentziak ematen hasi zen.

Tandem sarearen eskola gehiengoak litzentzia orokorra eta Göttingenen egoitza nagusia duen “Tandem International” elkartea sortu zuten, hizkuntza kurtsoen merkaturaketa indartzeko.

Bi zutabe hauek elkarlanean aritzen dira.

Jürgen Wolff, 2009ko martxoaren lehenean gaurkoturik

[Hasiera]

Start